Bogmaðurinn er frá 22. nóvember til 21. desember.

Elsku bogmaðurinn minn.

Þetta er tíminn til að opna augun og sjá hvað þú hefur það dásamlegt. Þú hefur raðað svo frábæru fólki í kringum þig og átt að nýta þér það.

Þú hefur oft verið algerlega blindur og hleypt að þér alls kyns vitleysingum sem hafa gert þér margar skráveifur. Þú hefur í hendi þér að láta slíkt ekki gerast.

Lífið er svo mikið karma þannig kallaðu á þá sem skulda þér karma frá fyrri tilveru og eru staddir á jörðinni. Kallaðu til þín þitt góða karma og það þarf að vera í skipunartón og þá muntu sjá að þú ferð að hitta fólk sem aðstoðar þig í því sem þú hefur verið að vandræðast yfir.

Því þú ert mátturinn og þín er ábyrgðin. Nýverið hafa átt sér töluverðar breytingar og þær eru til góðs. Þú eignast peninga auðveldlega og þú finnur jafnvel fyrir öfund í þinn garð því heppnin eltir þig á röndum.

Fólki finnst kannski leiðinlegt að þú fáir allt upp í hendurnar en það ekkert. Þér finnst þetta kannski ekki rétt en vittu til – á síðustu stundu færðu allt, allt reddast og það ætti í raun að vera nafnið á ævisögu þinni – Þetta reddast.

Þeir sem eru að hugsa um flutninga eða breyta um vinnustað, hvað eina sem skapar stórar breytingar, fá svar um slíkt innan við 20-30 daga. Þetta er besti tíminn fyrir þig að láta slag standa og gera bara það sem þú ætlaðir þér.

Ástin er allt í kringum þig en þeir sem eru í sambandi og eiga afkvæmi ættu að halda því áfram. Ef um er að ræða samband sem hefur gengið erfiðlega ættu að ljúka því.

Þetta er tímabil til að taka afstöðu með sjálfum sér og nýta góðmennskuna til að fá fleiri stig frá alheiminum eða þér sjálfum.

Knús og kossar,
Sigga Kling

Spáin er stutt og snörp yfir sumartímann elsku hjartans vinir og hún lengist þegar dagar fara að styttast!