Bogmaðurinn er frá 22. nóvember til 21. desember.

Elsku bogmaðurinn minn.

Aldrei þessu vant ertu búinn að standa frammi fyrir svo mörgu sem er að pirra þig. Þig vantar ávallt svör við öllu mögulegu, þess vegna ertu að lesa þessa stjörnuspá!

Þetta vesen sem er í kringum þig tengist einhverju í fjölskyldunni, mitt ráð til þín er að reyna að skipta þér ekki of mikið af öllu. Því þegar nokkrir dagar, vika eða tíu dagar eru liðnir er eins og allt hafi hreinsast af sjálfu sér.

Þú getur hins vegar skapað meira vesen ef þú ætlar að reyna að stjórna öllu eins og guð almáttugur. Þú munt líka leggja drög að ýmsu núna á næstunni, bæði hvað þú ætlar að gera í sumar og ýmislegt sem verður spennandi.

Það fellur á þennan mánuð að skipuleggja þig vel. Það verða margar veislur og mannfagnaðir og þú munt mæta í hvert einasta boð. Þú hefur sterkt tengslanet og getur bjargað þér úr öllu ef þú vilt. Það þarf ekki að vera neitt drama í kringum þig því þú hefur ekki boðið því með.

Ef við skoðum ástarmálin er ekkert sérstakt að gerast það. Þú átt til að verða svolítið ástfanginn af ástinni. Ef þú ert í sambandi áttu bara að vera þar og vera ánægður því líf þitt er gott.

Það er mikill möguleiki þú fáir þér gæludýr á heimilið og það er ekkert betra fyrir fallegan hund, kött eða fugl að vera hjá bogmanni.

Þú munt finna eitthvað merkilegt… bréf eða póst úr fortíðinni um þig eða einhvern þér tengdum sem gefur þér sannleikann um margt sem þér hefur ekki verið sagt.

Svo þú ert staddur í vissu ævintýri og ég finn að hjarta þitt verður hlýrra og hlýrra, stærra og stærra. Þú ert með afbrigðum greindur og gætir notað það þér til miklu meiri framdráttar en þú nýtir þér.

Einnig er að detta inn skemmtilegt tímabil hjá þér. Þann 19. og 24. apríl er svo fullt tungl í meyjarmerkinu og miklu skiptir að vera rétt stemmdur á fullu tungli sem er um miðjan mánuðinn og það er líka tíminn sem sýnir þér að allt sem olli erfiðleikum eða leiða er að rjúka burt í veður og vind.

Til hamingju með þetta allt saman!

Knús og kossar,
Sigga Kling