Meyjan er frá 23. ágúst til 22. september.

Elsku Meyjan mín, þú ert í essinu þínu að skipuleggja einhverskonar viðburði eða hátíð, eitthvað skemmtilegt sem er á hraðferð inn í líf þitt.

Það verður svo mikill partýpinni í þér og þú virðist bara vera að yngjast upp ef það er það sem þú þarft. Þú ert að breyta einhverju mataræði, hugsunum eða hvernig þú vilt gera hlutina. Gefðu þessu bara tíma og sýndu þolinmæði.

Það sakar þig einhver um eitthvað sem ég get ekki alveg reiknað út því að þetta er tengt einhverskonar slúðri, þú þarft bara að horfast í augu við það og láta í þér heyra þó í mildum tón og þá lagast það. En það eru smáborgarar sem að sjá um slúðurkeppnina hér á Íslandi.

Þín undursamlega pláneta Merkúr gerir þér það kleift að hafa skýr samskipti og hugrekki að breyta því sem þú þarft að breyta. Það verður mikið að gera, þú hefur allt á hreinu í sambandi við heimili, vinnu, þú gengur frá því sem hefur setið á hakanum og talar við þá sem þú þarft að tala við og leysir málin. Þetta eru skýr skilaboð frá þinni yndislegu plánetu Merkúr.

Þú ert líka að átta þig á því að margbreytileiki í lífi þínu er náðargáfa svo gerðu áskorun á þig að gera eitthvað nýtt í hverri viku og eitthvað öðruvísi, því það er það sem þú þarft.

Það er heilun í kringum ástina, það er frjósemi þar einnig og hafsjór af ást er að flæða hjá þér.

Knús og kossar.
Sigga Kling