Meyjan er frá 23. ágúst til 22. september.

Elsku Meyjan mín, þú ert búin að vera svo skrambi dugleg og með sterkar skoðanir samt sem áður á öllu.

Láttu þær ekki hindra þig í neinu, ekki slást við neinn, þá mun þetta verða algerlega skothelt tímabil. Október gefur þér betri innsýn og yfirsýn á allt. Þú átt að horfa í spegilinn, talaðu við sjálfa þig og ráðlegðu sjálfri þér hvað þú átt að gera því þú veist réttu svörin og þarft ekki að leita neinna ráða hvað þau varðar.

Ef þú ert á vinnumarkaðnum er lagt á þig meira álag en hefur verið áður svo þú þarft að hafa skýr mörk. Þetta getur einnig tengst skólagöngu og þú ætlir þér of mikið á stuttum tíma. Gefðu þér tíma, því þú átt tímann, ekki drepa hann! Sterkur kraftur er í fjölskyldunni þinni, sigrar eða verðlaun og gæti þetta jafnvel átt við um þig og þú ert spennt að sjá hvað gerist.

Þér verður boðið að fara eitthvert með hóp eða í sambandi við það sem þú ert að aðhafast, getur verið tengt þessum fjölskyldumeðlim eða – meðlimum. Það sem gengur vel á þessu ári mun einnig ganga vel á næsta ári. Það sem er erfitt og ekki að ganga upp, hverju sem það er tengt, ef þú lokar því ekki lokast það á næsta ári.

Einblíndu á það sem þér finnst best og þér líður vel með því þá eru þér allir vegir færir. Ekki taka mikilvægar ákvarðanir 9. 18. eða 27. október heldur skaltu á þeim dögum gera sem minnst. Allir hinir dagarnir eru ákjósanlegri fyrir þig.

Þú verður að nenna ástinni og næra hana og gera eins mikið og þú getur til að gefa í þeirri deild … og vera viss um að þessi ást, gyðja eða goð, sé í raun og veru ætluð þér. Þá er einnig mjög mikilvægt að þessi persóna hafi það að bera að vera þægileg.

Knús og kossar,
Sigga Kling