Nautið er frá 20. apríl til 20. maí.

Elsku Nautið mitt, það eina sem þú sendir frá þér og vilt að skíni á þig er ást og að vera elskað.

Þú hefur meira en mikið að gefa í sambandi við þessi mál, þú skapar svo fallegt heimili og góða stemningu í kringum allt sem þú kemur nálægt. Þú vilt öllum svo vel en ef einhver stígur á tærnar á þínum bestu vinum eða fjölskyldu þá veðuru eld og brennistein, breytist í villidýr til að hjálpa. Þú hefur gefið mikið af tímanum þínum til annara og það er fallegt. 

Eftir því sem að andinn færist yfir hjá þér þá verðuru rólegri og treystir því að fólkið þitt bjargi sér því ef þú ætlar að fljúga fyrir einhvern annan einstakling þá fær sá hinn sami ekki sína eigin vængi.

Veraldleg gæði og það sem er tengt peningum er ekki í eins góðum málum og þú vilt hafa það en þú munt sjá það allt er að fara á besta veg og það eru að opnast hjá þér aðrar gáttir og peningar eiga eftir að streyma til þín en farðu aðeins betur með þá. Segðu að þér þyki vænt um peninga og passaðu þig að fjárfesta ekki í einhverju glæfralegu eins og nýjum bíl eða einhverju þess háttar.

Þú endurheimtir eitthvað sem að þér finnst vera verðmætt og skiptir þig máli og það eru svo margir sem að vilja vera góðir við þig, leyfðu þeim það. Tilgangur þins lífs er ekki að skapa efnisleg verðmæti heldur að skapa gott líf og það er það sem er að gerast.

Knús og kossar.