![stjörnu header](https://siggakling.is/wp-content/uploads/2024/01/stjornu-header-1.png)
Hrútur: Það verður rifist um þig!
Hrúturinn er frá 21. mars til 19. apríl.
Elsku hrúturinn minn, þó að það sé alveg nóg að gera hjá þér þá er töluverður pirringur út af því að þér finnst ekki allt vera í röð og reglu.
Þú getur ákveðið sjálfur hvort þú ætlar að æsa þig yfir þessu eða bara láta það eiga sig. Þetta er tími til að leyfa sér leti sem að er nú ekki alveg þér blóði borin, í bókinni minni „Orð eru álög“ er kafli sem heitir leti er sexý.
Þú verður að vara þig á því að vaka ekki of mikið á nóttunni þó að þú elskir það, þú þarft að tímasetja sjálfan þig betur. Það er mögulegt að veikindi hafi heimsótt þig eitthvað sem að liggur á lífsorkunni þinni, ef að þér finnst líkami þinn vera að senda þér skilaboð um að eitthvað sé í ólagi þá verður þú að hlusta, þú getur hreinsað allt út núna á þessum mánuði þú einn veist hvernig.
Það verður rifist um þig hvort sem það eru einhver boð eða verkefni. Það er svo mikilvægt að þú finnir leið til þess að vera eins sjálfstæður og þú getur, og þér verða færð tækifæri til þess að sanna þig.
Það er mikil ástarorka og gredda fyrir lífinu núna, ef þú ert á lausu verður fjör í sumar. Þú hefur Venus svo sterkan yfir en það mun koma þér á óvart hversu margir eru skotnir í þér. Það besta sem þú gerir er að halda þig samt við þá manneskju sem að dregur allt það besta fram í þér.
Þú þarft að vera athugull með peningamálin þín, leitast eftir annara manna dómgreind og ekki bíða með neitt sem þú þarft að ganga frá í sambandi við peninga. Ef þú situr líka skipulag á þetta þá verður þú með fullar hendur fjár fyrir miðjan september.
Knús og kossar.
Sigga Kling
![Hrútur](https://siggakling.is/wp-content/uploads/2024/02/Hrutur.png)
Frægir Hrútar
Björgvin Halldórsson söngvari. 16. apríl 1951.
Elton John píanóleikari, söngvari og lagahöfundur. 25. mars 1947.
Lady Gaga leikkona, söngkona og lagahöfundur. 28. mars 1986.
Robert Downey Jr. leikari. 4. apríl 1965.
Victoria Beckham söngkona og fatahönnuður. 17. apríl 1974.
Vigdís Finnbogadóttir var forseti Íslands frá 1. ágúst 1980 til 1. ágúst 1996, var fyrsta konan í heiminum sem var kosin forseti í almennum kosningum. 15. april 1930.