Fagnaðu áföngum

Elsku Hrúturinn minn, þú ert að fara inn í eitt merkilegasta tímabil sem þú hefur upplifað á síðustu árum. Þú þarft að læra að lesa í merkin í kringum þig eða skilaboðin sem er verið að senda þér.

Þú tekur ákvarðanir sem koma meira að segja þér á óvart og þetta er upphaf að tímabili sem spannar 14 ár. En kannski hugsar maður nú ekki svo langt fram í tímann, en núna byrjar svo margt að banka á dyrnar hjá þér. 4 apríl er ótrúlega merkilegur dagur fyrir þig og þá áttu að gera sem mest og hrinda hlutum af stað.

Dagana 8 – 10 apríl er hinn merkilegi sólmyrkvi, eða þann 8 april og hann stendur yfir í 4 mínútur og einhverjar sekúndur. Tunglin raðast alveg sérstaklega vel fyrir þig og júpiter og úranus gefa þér sterkann kraft. Í öllu þessu getur það komið upp á að þú hættir í vinnu eða verkefni, að þú lokir á perónur sem tengjast þér í einhvern tíma, allavega er eins og hreinsunar eldurinn er að taka til hjá þér.

Ef þér er búið að finnast þú vera leiður í langan tíma þá eru svo sannarlega endalok þess núna. Þú ferð út fyrir þægindarammann og framkvæmir og framkvæmir, það engin frestunar árátta í gangi. Það er mikilvægt fyrir þig elsku Hrúturinn minn að halda upp á afmælið þitt, að fagna áföngum og gefa þér líka tíma til að hafa eitthvað frí.

Í þessari stöðu er jákvætt karma að koma til þín, svo ekki vera hræddur að taka fyrsta skrefið í því sem þú þarft að gera. Því það opnast fyrir þér að það verður svo miklu auðveldara en þú bjóst við, svo skelltu þér bara á það sem þú ert búinn að vera að hugsa.

Þú kynnist ólíklegasta fólki og ferð líka á staði sem þú bjóst ekki við að þú værir á leiðinni á. Þú heillast af ástinni og vertu eins gjafmildur og þú getur í þeim málum, því þá verður allt svo dásamlega fallegt. Fólk úr fortíðinni er líka að koma inn og það er möguleiki á einhverskonar business, eða á einhverskonar verkefnum sem eru spennandi.

Ef þú ert eitthvað að hugsa um húsnæðismál eða hvernig það fer allt saman þá reddast allt á síðustu stundu. Þar sem þú vinnur best að vera á tánum þá skaltu ekkert skammast út í það þó að það sé mikil spenna í kringum þig, því þú ert að skapa skemmtilegt líf.

Knús og kossar.
Sigga Kling

Frægir Hrútar

Björgvin Halldórsson söngvari. 16. apríl 1951.

Elton John píanóleikari, söngvari og lagahöfundur. 25. mars 1947.

Lady Gaga leikkona, söngkona og lagahöfundur. 28. mars 1986.

Robert Downey Jr. leikari. 4. apríl 1965.

Victoria Beckham söngkona og fatahönnuður. 17. apríl 1974. 

Vigdís Finnbogadóttir var forseti Íslands frá 1. ágúst 1980 til 1. ágúst 1996, var fyrsta konan í heiminum sem var kosin forseti í almennum kosningum. 15. april 1930.