Sporðdrekinn er frá 23. október til 21. nóvember.

Elsku Sporðdrekinn minn, þú ert búinn að vera eins misjafn og öldurnar í hafinu en hafið hefur þann kraft að bera hvort það sé brjálað veður eða blessuð blíðan þá elskar maður sjóinn.

Það elska þig svo margir en þú ert alltaf í efakeppni um það, það er það eina sem að er að bregða fyrir þig fæti og láta þér líða illa, allt bara tóm ímyndun. Þú þarft að hætta að segja ég nenni ekki þessu eða nenni ekki hinu, skapaðu þér áskoranir strax og farðu og gerðu það sem að þér myndi aldrei detta í hug að gera. Segðu já eins og Jim Carrey í Yes Man ef að þú nennir því ekki þá lyppastu niður í þreytu, jafnvel verkjum og hugarangri svo stattu upp núna strax.

Það er svo óteljandi margt sem þú getur gert og allar hurðir opnar nema ein, það er akkúrat sú hurð sem þú starir á. Ef þú ert að skoða ástina þá skaltu ekki láta útlitið varða þig öllu heldur hlýjuna og orðin sem streyma frá persónu sem að þú vilt laða inn í líf þitt. Þetta er ævintýra veisla sem að þér er boðið upp á næstu tvo mánuði.

Það virðist vera að þegar að þú heldur að það sé að koma eitthvað frí eða þú sért að fara að slaka á þá er opin hurðin að nýju og öðruvísi verkefni eða skemmtun og ef að þér finnst að þú hafir ekki nógan pening til að gera þetta eða hitt þá bjargast það.

Þú þarft bara að hugsa aðeins öðruvísi ekki endilega kaupa dýrustu steikina. Það eru í kortunum breytingar á húsnæði eða einhverskonar breyting á vinnu, þetta er þér í hag svo njóttu þess bara að vera til.

Allt sem þú snertir verður að gulli svo teygðu út höndina og taktu áhættu.

Knús og kossar.
Sigga Kling