Bogmaðurinn er frá 22. nóvember til 21. desember.

Elsku Bogmaðurinn minn, þú ert búinn að vera svo hugsi. Þú veist ekki alveg hvað þú ætlar að velja eða framkvæma. Gerðu bara eitthvað, taktu eitt skref.

Vinur minn sem býr á Reykjarnesinu hefur byggt fjöldann allan af húsum aleinn, fólk tekur andköf og spyr hann: Hvernig fórstu að þessu? Hann svarar: Ég tók bara eina spýtu í einu.

Svo þú þarft ekki að stressa þig, leyfðu þér að fljóta með straumnum og þá farnast þér vel of fallega. Þú þarft ekki að hafa áhyggjur af því hvort að ferðalög séu ekki fram undan og svo lendir þú í lukkupotti með eitthvað stærra og skemmtilegra.

Þér finnst samt að þú berir ábyrgð á svo mörgu sem að hindrar þig í að gera það sem þú vilt. Dreifðu ábyrgðinni því þú ert svo mikill leiðtogi og samningamaður, þegar þér finnst að þú þurfir að fórna sjálfum þér þá er mjög mögulegt að þú verðir fórnarlamb. Það passar nú ekki í ævisöguna er það? 

Það er nefnilega þannig að þú skapar þitt líf sjálfur með hugsunum, orðum og gjörðum svo það er engum að kenna eða þakka á hvaða stað þú ert nákvæmlega núna. Ef að þú finnur leiða í vináttusamböndum, vinnu eða fjölskyldu þá skaltu bara ákveða að þú ætlir að gera í því en þú þarft að breiða út hamingjuna hjá þessu fólki og á þessum stöðum.  Þar finnur þá breytingu sem þú væntir.

 Það er mjög mikilvægt fyrir þig að sýna dýrum, börnum og gömlu fólki einlæga athygli. Það er að hækka þín andlega sýn og þinn andlegi kraftur og þú munt taka eftir því svo sérstaklega á næstu vikum.

Ástin er í andrúmsloftinu svo þú gætir nælt þér einhverja sérstaka gyðju eða goð eða breytt núverandi sambandi í eitthvað svo yndislegt.

Knús og kossar.
Sigga Kling