Vatnsberinn er frá 20. janúar til 18. febrúar.
Elsku vatnsberinn minn, þó að þú sért búinn að vera þungt hugsi og ekki alveg sáttur við allar útkomur, þá þarftu ekki að láta þér leiðast því að þú ert að fara inn í einn klikkaðasta mánuð ársins, en það tengir nú reyndar öll stjörnumerkin.

Þú ert svo sniðugur í að afla þér tekna og að hafa fjármálin þín á hreinu, og það er alveg sama hvað gengur á þá laðast peningar að þér úr öllum áttum. Og það er allt gott og blessað, en í ástarmálum geta orðið töluverðir hnökrar.  Og ef  lítur aftur í líflínuna þína þá hefur þú ekki verið svo heppinn í þeirri deildinni. Að mörgu leyti getur svarið verið það að þú ert svo sjálfstæður, passasamur og drífandi að þú þarft í raun kannski ekki einhvern til að bakka þig upp.

Og ef þú ert að leita að hinni einu sönnu ást eða að það er einhver ástarvitleysa í gangi með þeirri persónu sem þú ert með, þá er gott fyrir þig að setja það bara upp í excel; hvað í raun og veru á að prýða þá manneskju sem er svo heppin að fá að deila með þér lífinu.

Það virðist vera að það sé alltaf þú sem finnur lausnirnar og leiðirnar til að redda hverju sem er og raða í kringum þig rétta fólkinu. Þú þarft að skilja að treysta eigin dómgreind því í þér býr mikil viska.

Það er verið að ýta þér út í einhvers konar áhættu sem verður þér einskins virði. Þér verða boðnir gull og grænir skógar, en á bak við þetta allt saman er ekkert sem þú þarfnast svo teldu upp að 10 áður en þú segir nei. Því að eftir því sem að þetta hljómar svo ótrúlega þetta boð sem þú færð og ef það er svo ótrúlegt að það getur vart verið satt, þá er það ekki satt.

Svo þú skrifar ekki upp á hjá neinum og svo framvegis. Þetta er sérstaklega yfir orkunni þinni þar til 21 apríl því þá eru stjörnurnar sérstaklega raðaðar upp fyrir þig og því tímabili fylgir mikil gleði, auðmýkt og hlýja. Eina hindrunin fyrir framan þig núna er að þú getur látið egóið flækjast fyrir þér. Því að það er staðreynd að nýtt og betra líf er að heilsa þér.

Knús og kossar.
Sigga Kling