Vatnsberinn er frá 20. janúar til 18. febrúar.

Elsku Vatnsberinn minn, það er vart hægt að segja að það séu einhver meðal ljón í þessu merki.

Þú ert uppfinningamaður og hugmyndasmiður svo teygðu þig bara í hugrekkið sem er við hliðina á þér þá getur líf þitt ekki orðið fullkomnara. Þú hefur þá tilhneigingu að finnast þú alltaf bara rétt alveg að ná takmarkinu sem að þú varst búinn að sjá fyrir þér. Svo þú nærð ekki að gleðjast nógu vel þó að þú komist á þann stað sem þú villt.

Það er af því að það er alltaf eitthvað annað sem er þá betra. Þú þarft að skynja það og læra að vera líka Gísli á Uppsölum og líka finna í þér heimsborgarann. Það eru kraftaverk að gerast í kringum þig og hver dagur gefur þér ný tækifæri.

Um leið og þú getur hlegið og gert grín af sjálfum þér þó að þú hrasir um stein þá verður allt svo miklu léttara. Þú ert oft mikill kröfuhafi á sjálfan þig, lærðu að elska þennan snilling og leyfðu Mótus að sjá um kröfur.

Þér finnst að þú lendir svo oft í því sama aftur og aftur einhverju sem þú vilt alls ekki fara út í þá eru það skilaboðin til þín að það virðist vera að þú þurfir að læra af þeim aðstæðum sem þú lendir í aftur og aftur til þess að komast út úr þeim endalausa hring.

Þú skalt setja alvöru í ástina hvort sem að þú hugsar það til lengri eða styttri tíma þá skaltu gefa allt sem þú getur. Setja heiðarleika inn í þá orku því að allt kemur núna upp á yfirborðið ef þú ert að fela eitthvað tengt ástinni.

Þú finnur að þú ert gæfusamur og heppinn og svo elskaður og dáður af svo mörgum, lærðu að meta þig sjálfan það er lykilatriði.

Knús og kossar.
Sigga Kling