Hrútur: Láttu græðgina ekki bíta þig í hælinn!

Hrúturinn er frá 21. mars til 19. apríl

Elsku hrúturinn minn.

Þú veist ekki alveg hvort þú sért að koma eða fara. Þér finnst erfitt að ákveða hvort þú eigir að taka þér frí, hvenær þá og hvert.

Veraldleg gæði eru í miklum metum hjá þér og þú kannt svo sannarlega að meta þau. Ekki hafa áhyggjur af peningum því peningar hafa ekki áhyggjur af þér!

Það hlaðast til þín verkefni sem þú bjóst ekki við eða áskoranir við að gera eitthvað alveg nýtt og spennandi. Það gæti líka verið að þú værir fastur í vinnu sem ekkert er að frétta í. Haltu bara áfram því það mætir þér einhver manneskja eða áhrifavaldur sem vill breyta stöðu þinni og kannski til að bæta einnig sína eigin stöðu.

Þú ert þannig manneskja að sumarið er ekki alveg þinn tími. Þú vilt hafa flest vel skipulagt og vilt hafa mikið að gera því þá ertu í essinu þínu. Þeir sem eru þar staddir og hafa ekkert að framkvæma geta fyllst miklu þunglyndi og það er því þeir vilja ekki eyða tíma sínum á þann hátt.

Litlir hlutir á borð við að næra líkamann og orkuna er eitthvað sem þú hefur lengi ætlað að láta verða af. Það virðist geta breytt mörgu. Það eru margar freistingar á ferðalaginu sem þú ert á. Freistingar geta verið hættulegar svo teldu upp að tíu áður en þú hendir þér í eitthvað sem getur skapað ringulreið í kringum þig. Ekki verður hægt að halda einhverju leyndu eða eiga leyndarmál því örlögin eiga eftir að hafa þau áhrif að allt kemst upp ef ekki er allt hreint í kringum þig.

Það er mikil gredda í kringum þig. Gredda í lífið og kraftur til að geta gert hið óhugsanlega. Láttu bara græðgina ekki bíta þig í hælinn því betra er að þú fáir þinn hlut, skerf af því sem þér er ætlað svo ekki taka meira en þú þarft.

Ég sé ást og umhyggju í fjölskyldulífinu þínu. Þetta verður gríðarlega spennandi tími og stórkostlega merkilegur kafli í lífi þínu. Svo spenntu beltin því hraðinn verður töluverður – settu bara á cruise control!

Knús og kossar,
Sigga Kling

Deila stjörnuspánni

Frægir Hrútar

Björgvin Halldórsson söngvari. 16. apríl 1951.

Elton John píanóleikari, söngvari og lagahöfundur. 25. mars 1947.

Lady Gaga leikkona, söngkona og lagahöfundur. 28. mars 1986.

Robert Downey Jr. leikari. 4. apríl 1965.

Victoria Beckham söngkona og fatahönnuður. 17. apríl 1974. 

Vigdís Finnbogadóttir var forseti Íslands frá 1. ágúst 1980 til 1. ágúst 1996, var fyrsta konan í heiminum sem var kosin forseti í almennum kosningum. 15. april 1930.