Krabbinn er frá 21. júní til 22. júlí.

Elsku krabbinn minn!

Þú ert að fara inn í bjartsýnismánuð. Á því tímabili er svaka mikilvægt þú horfir bara á það sem þér finnst bjart og fallegt, láta vesen og vandamál skauta fram hjá því í þessum mánuði verður hátíð hjá þér.

Júpíter kemur siglandi inn í merkið þitt og hann hefur ekki verið þar í 12 ár. Hann er pláneta allsnægta, útþenslu og krafts. Þú þarft að nýta þér það þegar þetta dásamlega tungl er fullt í kringum 12. júlí.

Þá færðu til þín hugboð eða boð til hugans um hvernig þú leysir og kemur þér út úr þessari vesenssúpu sem þú ert í.

Þráhyggja á til að detta niður í huga þinn og þú telur þér trú um að þú sért ástfanginn af einhverri manneskju, sérstakri vinnu o.s.frv. og ekkert í lífinu gæti verið mikilvægara.

Þetta er ímyndun og ef þú hefur verið að eltast við eitthvað sem þú hefur ekki fengið í dágóða stund slepptu því úr lífinu. Þá færðu það sem þér er ætlað og mun líða vel með.

Það er mjög mikil orka í kringum allt sem getur tengst ástinni en fyrir þá sem eru á lausu verður það að vera nýbyrjað eða mun gerast næstu 30-40 dagana.

Þú ert í essinu þínu og líf þitt hefur þá burði til að allt gangi upp. Ekki skipta þér af annarra manna veseni eða reyna að stjórna eða bjarga öðrum því þá missirðu vissan hluta af þessum stórkostlegu hughrifum sem þú átt eftir að verða fyrir.

Þú mátt taka áhættu ef þér finnst þú vera kúgaður eða langt niðri á heimilinu sem þú býrð. Kannski ertu ekki á réttum stað þarna.

Þá er ég ekki að tala um hjónaband heldur annars konar tengingu, t.d. í foreldrahúsum eða hefur meðleigjendur sem ekki henta eða eitthvað sambærilegt.

Þú ert svo hlýr og aðlaðandi og þér er engin vorkunn!

Knús og kossar,
Sigga Kling

Spáin er stutt og snörp yfir sumartímann elsku hjartans vinir og hún lengist þegar dagar fara að styttast!