Ljónið er frá 23. júlí til 22. ágúst.

Elsku ljónið mitt.

Þér finnst lítið vera að gerast eða að fara í þá átt sem þú vilt. Þú þarft að sleppa tökunum, setja frið í hugann og leyfa lífinu að leysa hnútana fyrir þig.

Þú átt eftir að finna mikil áhrif frá Neptúnusi sem fór inn í hrútsmerkið þann 30. mars og það eru skilaboð til þín. Þó þú eigir ekki að stjórnast í öllu þarftu að hafa 100% plan fyrir næstu sex mánuði í hið minnsta.

Þú skrifar niður lukkulistann, getur ákveðið að fara í sund tvisvar í viku, að efla námið, gera eitthvað varðandi vináttu eða eitthvað annað. Þetta er svo mikilvægt að þú trúir því vart.

Þú skalt skrifa niður 20 atriði á tveimur mínútum því þegar þú ert að hugsa ofsalega hart hvað þú ætlir að gera er eins og heilabúið á þér sé fullt af fyllibyttum sem eru að senda sömu hugsun. Þegar þú gerir þetta sem ég var að benda á gerist þetta ósjálfrátt og af sjálfu sér.

Þarna koma fram merkilegir hlutir og merkileg skrif sem eiga eftir að rætast því þú lendir í ákveðinni atburðarás til að þetta geti gerst sem fer niður á blað.

Sumt af þessu þarftu að taka upp símann eða einhver skref til að atburðarásin fari af stað í átt að þessum lukkuskrefum. Þetta er svokallaður bucket listi en þú ætlar bara að gera hann fyrir næstu sex mánuði, ekki lengur.

Þú ert á háu spennustigi hvað varðar ást eða elskhuga ef þú ert á lausu og margt mun gerast á þessu sviði en ekki endilega til frambúðar.

Njóttu stundarinnar sem þessi spenna og ástarorka gefa því eitt leiðir af öðru og allt í einu ertu komið í óskasambandið en það er reyndar ekki strax. Nú er tími til að lifa til fullnustu!

Knús og kossar,
Sigga Kling