Meyjan er frá 23. ágúst til 22. september.

Elsku Meyjan mín, Þetta eru góðir tímar hjá þér núna. Hins vegar eru hugsanir þínar á ljóshraða og eins og Austurlandahraðlestin búi í heilanum á þér. Þess vegna getur þér fundist að þú sjáir að svo margt sé bara í bölvaðri vitleysu og veist ekki í hvorn fótinn þú eigir að stíga en þetta er meira það sem hugur þinn er að búa til.

Ef þú lendir í áfalli gagnvart manneskju eða öðru fólki skaltu muna fimm daga regluna … bíddu í fimm daga því eftir fimm daga er allt breytt. Svo ekki snúa öllu við, hringja í mann og annan þó ýmislegt komi upp á, bíddu bara róleg, það er verið að lagfæra þetta, svo farðu bara að horfa á einhverja þætti og dúlla þér.

Ekki loka samt á þá manneskju sem stígur á tærnar á þér, vertu æðrulaus og almennileg því seinna í lífinu mun hún dúkka upp og hjálpa þér þegar þú þarft að því að halda. Þú verður mjög upptekin í að skipuleggja svo margt sem er ekki endilega ofsa stórt heldur litlir og fallegir hlutir, s.s. áhugamál eða ferðalög.

Barnsfæðing mun eiga sér stað hjá einhverjum í kringum þig og þessi litlu hlutir gefa þér svo góðan stuðul af vellíðan og hamingju því þar líður þér í raun best. Það eru sérstakir dagar hjá þér sem skipta meiru en aðrir og þegar fulla tunglið í nautsmerkinu er í kringum 15. nóvember færðu frábærar fréttir sem breyta mörgum ákvörðunum. Þetta er er líka tími sem einhver yfirgefur þig … til að mynda tengt vináttu.

Þetta er þó enginn stressvaldur, bara eitthvað sem þurfti að gerast. Ef þér finnst hafa hrikt í ástarmálunum og það gangi ekki ný ástarsambönd ens og þú vilt hafa þau skaltu vita ef það gengur ekki í upphafi mun það aldrei ganga. Svo ekki láta neinn búa í heilanum þínum með sjónvarp, síma og legubekk heldur slíttu þessi tengsl, annars á það eftir að aftra þér og ekkert hik elsku meyjan mín. Í fjármálunum rúllast svo margt upp en á góðan máta svo til hamingju með það!

Knús og kossar,
Sigga Kling