Vogin er frá 23. september til 22. október.

Elsku vogin mín.

Þó margt hafi blasað við af ótrúlegum erfiðleikum á síðasta ári hefur það gefið þér að þú lætur ekki ráðast inn í sálarlífið þitt eins og áður.

Það gæti verið breyting á vinnu ef þú ert búin að vera óviss undanfarið. Þú ert hægt og rólega búin að ákveða að þú ætlar að framkvæma eitthvað nýtt. Það gerist ekki strax en það er að myndast fyrir framan þig.

Þú ert farin að verðmeta þig og vita hvað þú getur. Þú vinnur svo vel úr allri sorg og kraftmikið karma sem þú átt inni er að koma og gefa þér gjafir.

Þú hefur oft eytt allt of miklum tíma í einhvern sem metur það ekki neitt, jafnvel þó þú hafir gert allt þitt til að byggja góðar undirstöður hjá þeirri persónu.

Guð hjálpar þeim sem hjálpa sér sjálfir þýðir einfaldlega að manneskjan sjálf verður að bjarga sér. Enginn getur bjargað annarri manneskju.

Þú ferð líka að finna út hvernig þú getur látið peninga koma inn án þess að vinna fullt starf, þú ert svo góð í allri rannsóknarvinnu um hvað sé best og hvað eigi ekki að gera. 

Það eru allir sjúkir í þig en ef þú ert á föstu skaltu ekki gefa neinum sérstakt auga eða opna fyrir að einhver haldi að þú sért að bjóða inn í þitt sálarlíf.

Fólk á eftir að misskilja þig hægri, vinstri með þetta og líka halda að þú ætlir á einhvern hátt að bjarga þeim úr pyttinum sem þeir grófu sig sjálfir í.

Vertu skýr í orðum um bæði hvað þú vilt og við það fólk sem að þarf að heyra sannleikann. Þá ferðu inn í frábæra tíma og þá bestu sem þú hefur lifað.

Knús og kossar,
Sigga Kling